Медведев барчани Россия президенти атрофида бирлашишга чақирди
Россия Федерацияси Хавфсизлик кенгаши раиси ўринбосари Дмитрий Медведев ўзининг Телеграм-каналида Россия президенти Владимир Путин атрофида бирлашишга чақирди.
Медведевнинг фикрича, мамлакатни «йиртиб ташлаш»га уринаётган душманни ташқи ва ички контурда енгиш учун президент атрофида бирлашиш зарур. «Ажралиш ва хиёнат – энг катта фожиа, умумбашарий фалокат сари йўл. Биз бунга йўл қўймаймиз. Душман мағлуб бўлади», – деди у.
Эслатиб ўтамиз, аввалроқ Россия Федерацияси Федерал хавфсизлик хизмати “Вагнер” хусусий ҳарбий компанияси раҳбари ва асосчиси Евгений Пригожинга қарши қуролли исён кўтаришга чақириш юзасидан жиноий иш қўзғатгани ҳақида хабар берилган эди. Қарор, Евгений Пригожиннинг Россия Мудофаа вазирлиги ПМCларнинг орқа лагерларига зарбалар берганини даъво қилган ижтимоий тармоқларда илгари тарқалган хабарлар ва видеолар муносабати билан қабул қилинди.