Тошкент молия институти ҳамкорлигидаги факультет талабаларига қўшалоқ диплом берилди (+фоторепортаж)
Жорий йилнинг 8 июль куни Тошкент молия институтида Беларус Республикасининг Полоск давлат университети билан ҳамкорликда ташкил этилган қўшма факультетнинг илк битирувчиларига диплом топшириш маросими бўлиб ўтди.
Келишувга кўра, қўшма факультет 103 нафар битирувчиларига Тошкент молия институти ва Полоск давлат университети дипломлари берилди. Хусусан, битирувчиларнинг 12 нафарига қизил диплом топширилди.
Маълумот ўрнида айтиш жоизки, 2019 йилда Тошкент молия институти ҳамда Беларус Республикасининг Полоск давлат университети ҳамкорлигида ТМИ-ПДУ қўшма факультети ташкил этилган бўлиб, ҳозирда ушбу факультетда 450га яқин талаба таҳсил олмоқда.