Мактабгача ва мактаб таълими вазири Ҳилола Умарова Фарғонада фожиали ҳалок бўлган қизалоқнинг хонадонида бўлди
Аввал хабар берилганидиек, 2023 йил 20 июль куни Фарғона шаҳар Янги Аср кўчасида жойлашган қурилиши тугалланмаган бино ёнидан 11 ёшли қизчанинг мурдаси зўрлаш ва қотиллик аломатлари билан топилди. Ушбу жиноятни қизалоқнинг оиласига таниш бўлган 17 ёшли йигит содир этгани маълум бўлган.
Мактабгача ва мактаб таълими вазири Ҳилола Умарова Фарғонада фожиали ҳалок бўлган қизалоқнинг уйида бўлиб, унинг оила аъзоларига ўзининг ҳамдардлигини билдирди. Бу ҳақда «darakchi.uz»га вазирликнинг Жамоатчилик билан ишлаш бўлими бошлиғи Лайло Рустамова хабар қилди.
Маълум қилинишича, вазир мудҳиш ҳодисани ўрганиш ҳамда марҳуманинг яқинларидан ҳол сўраш мақсадида қизалоқнинг онаси билан суҳбатлашиб, юз берган ҳолатдан чуқур қайғуда эканлигини билдирган.