Маск ребрендинг қилгани учун кунига 1000 доллар жарима тўламоқда
Маълум бўлишича, Илон Маск «Twitter» ижтимоий тармоғининг логотипи ва номини ўзгартирган.
Унга кўра, классик қуш тасвири улкан «Х» ҳарфига алмаштирилган.
Қизиғи шундаки, компаниянинг Сан-Франциско шаҳрида жойлашган бош биноси устида 24/7 тартибида ўта ёрқин тарзда порлаб турувчи «Х» тасвири маҳаллий ҳукумат эътирозига сабаб бўлган ва бунинг учун компания шаҳар ҳокимиятига ҳар куни 1000 АҚШ доллар миқдорида жарима тўлашга мажбур бўлмоқда.
Кўчанинг нариги томонидаги кўп қаватли уйларда яшовчи одамлар ҳам ухлай олмаётганликларидан шикоят қилмоқдалар.