Доналд Трамп суд биносида ҳибсга олинди
АҚШнинг собиқ президенти Доналд Трамп 3 август, пайшанба куни Вашингтон округ судига келди.
Оқ уйнинг собиқ раҳбарига 2021 йил 6 январда Капитолийга бостириб кириш бўйича янги айбловлар эълон қилинади.
Сиёсатчининг бармоқ излари олиниши кутилмоқда, лекин суратга тушмайди.
Расмий равишда Трамп суд биносида ҳибсга олинган.
Тахминларга кўра, Трампга Барак Обама томонидан 2014 йилда бу лавозимга тайинланган Таня Чуткан судялик қилади.
Собиқ президентнинг келиши муносабати билан Колумбия округи федерал суди биносида хавфсизлик чоралари кучайтирилди.
Аввалроқ Трамп унга учта жиноий айблов бўйича жами 561 йил қамоқ жазоси берилиши мумкинлигини айтганди.
Трампнинг сўзларига кўра, “Жу Байденнинг коррупцияга ботган Адлия вазирлиги яна унга қарши ноқонуний айбловлар қўйган”.
Хабар қилинишича, Трамп 2021 йил январидаги тартибсизликлар бўйича ишда айбсизлигини тан олиб, суд биносини тарк этган.