Уч йиллик жасад топилди
Россиянинг Санкт-Петербург шаҳрида 2020 йилда ўлдирилган эркакнинг жасади топилди. Бу ҳақда Россия Тергов қўмитасининг Санкт-Петербург бошқармаси матбуот хизмати хабар берди.
Қайд этилишича, 2023 йилнинг 30 август куни шаҳарнинг Фин кўрфазидан номаълум эркак жасади топилган. Тергов давомида жабрланувчи 1985 йилда туғилган Ўзбекистон фуқароси экани маълум бўлган. Унинг хотини 2021 йилда эрининг бедарак йўқолгани бўйича мурожаат қилган.
Тергов ҳужжатларига кўра,, марҳум 2020 йилнинг 4-5 сентябр кунлари қидирувда бўлган ҳамюрти Ҳ.Қ. ва унинг шериги томонидан аввалига Криленко кўчасидаги уйлардан бирининг зинапоясида ва кейин уйнинг ичида калтакланган. Жароҳатлар оқибатида ҳалок бўлган эркакнинг жасади дастлаб Мистолово қишлоғига олиб келтилган. Айбланувчилар йўлда машинани алмаштириб, «Парнас» метро бекатига, ундан кейин эса Кронштадтдаги тўғон томон йўл олган. Йўлда улар канализация қопқоғини топиб, у орқали жасадни Фин кўрфазига улоқтирган.
Ҳолат юзасидан Россия Жиноят кодексининг 105-моддаси (қотиллик) 1-қисми билан жиноят иши қўзғатилган.
Мазкур жиноятни содир этганликда айбланган Ҳ.Қ. 2023 йилнинг январь ойида етти йилга озодликдан маҳрум қилинган.