Чирчиқда ҳали битказилганига бир йил тўлмаган бино ёнбошлаб қолди
Ижтимоий тармоқларда Тошкент вилоятининг Чирчиқ шаҳрида машҳур қурилиш компанияси томонидан қуриб битказилганига бир йил ҳам бўлмаган кўп қаватли уй чўкиб, ёнбошлаб қолгани айтилди.
Мазкур хабарга муносабат билдирган Қурилиш ва уй-жой коммунал хўжалиги вазирлиги ҳолат назоратга олинганини билдирди.
Тошкент вилоятининг Чирчиқ шаҳри “Ифтихор” МФЙ ҳудудида қурилиб, фойдаланишга топширилган мазкур кўп қаватли уйда юзага келган ҳолат ҳозирда Қурилиш ва уй-жой коммунал хўжалиги вазирлигининг қурилиш лойиҳа ташкилотлари мутахассислари, қурилиш соҳасида ҳудудий назорат инспекцияси масъуллари томонидан назоратга олинган. Ўрганиш натижалари бўйича батафсил маълумот тақдим қилинади, — дейилади вазирлик муносабатида.