Ўҳ! Чатоқ-ку!.. Барибир яхшиликка эмас…
Бизда қовун қовундан ранг олар деган гап бор. Агар қўшнинг машина сотиб олса, сен ҳам дарров шундай бир уловга эга чиқиш ҳаракатига тушиб қоласан. Чунки одамнинг табиати шундай-да. Агар Худо кўрсатмасин-у, қўшнинг милтиқ сотиб олганини эшитиб қолсанг, бирдан сенинг ҳам хаёлинг бузилади. “У милтиқ олганида, мен автомат ололмайманми?” дейсан ва шу йўлда тиним билмай ҳаракатга тушиб кетасан. НАТО деган жуда бир катта ташкилот бор. Ўша ташкилот 2024 йилга ҳарбий мақсадлар учун харажатларни 18,2 фоизга оширди. Буни улар ҳозирги нотинч замонда ўзларини ҳимоя қилиш билан изоҳлашди. Биласиз, НАТОнинг асосий душмани Россия ва Хитой. Улар НАТОнинг ўзларига қарши бунча катта сумма (2,03 млрд евро) ажратганини эшитишлари билан дарров ҳаракатга тушиб қолишмайди, деб ҳеч ким айтолмайди… Демак, қуролланиш пойгаси баттар авжига чиқади…