«New York Times»: «Исроил қасддан энг ҳалокатли бомбаларни тинч аҳолига нисбатан ишлатган…»
«New York Times»: «Исроил қасддан энг ҳалокатли бомбалардан бирини тинч аҳолига хавфсизлик мақсадида кўчиб ўтиши буюрилган Ғазо сектори ҳудудида ишлатган…»
Нашр аэрофотосуратлар ва сунъий интеллект ёрдамида бомбалардан қолган воронкаларни топиш учун текширув ўтказган. Маълум бўлишича, Исроилнинг энг қудратли бомбаларидан бири Ғазо секторининг жанубида мунтазам равишда деярли 200 марта ишлатилган.
«Бу 2000 қадоқли (қадоқ – фунт оғирлик бирлиги, 400 грамм атрофида. – тарж.) бомба. Бунақа бомба портлаганда улкан портлаш тўлқини ёрдамида металл парчалари барча йўналишлар бўйича минг фут (фут – узунлик бирлиги 30 см атрофида. – тарж.) масофагача учиб боради», дея қайд этади «NYT».
Уруш бошланганида, Исроил Ғазо чегараларини тўлиқ қамалга олиб, тинч аҳолини отилаётган ўқ ва бомбалардан сақлаб қолиш учун хавфсиз ҳудуд яратганини билдирган ва ўша ерга кўчиб кетишга буйруқ берган. Бир миллиондан зиёд аҳолига хавфсизлик мақсадида Ғазо секторининг жанубига кўчиб ўтишлари кераклигини буюрилган.
Текширув натижасида маълум бўлишича, урушнинг дастлабки олти ҳафтаси давомида 2000 фунтли бомбалар Ғазо жанубига мунтазам равишда ташлаб келинган.
Аббас Асад
Мубашшир Аҳмад таржимаси.