Бүген Байлар Сабасында 15 яшьлек малай батып үлгән
Бүген Байлар Сабасы авылында «Урман әкияте» буасында 15 яшьлек малай батып үлгән. Бу турыда Гадәттән тыш хәлләр министрлыгына сылтама белән «Татар-информ» яза.
Бу урында су коену тыелуы турында аншлаглар бар.
Урынга килгән коткаручылар бала мәетен чыгарган.
Якынча белешмә буенча, үсмер башка балалар белән су коена, алар янында өлкәннәр булмый, диелә хәбәрдә.