Тукай районында фаҗига: 4 кеше һәлак булган
Кичә Татарстан трассасында авариядә 4 кеше һәлак булган. Тукай районында «Лада Приора» каршы як полосага чыккан һәм Volkswagen автомобиленә бәрелгән. Бу турыда «Татар-информ» хәбәр итте.
«Лада» йөртүчесе, аның 2 пассажиры һәлак булган. Аларның берсе – 3 яшьлек бала.
Volkswagen пассажиры да шунда ук үлгән. Йөртүчесен, тагын 2 пассажирын хастаханәгә китергәннәр. Пассажирларның берсе бала булган.
Тикшерү эшләре бара, диелә хәбәрдә.