Римма Никитинага сөйгәне кияүгә чыгарга тәкъдим ясаган, йөзекне Винарис тапшырган
Римма Никитинага сөйгәне тәкъдим ясаган. Ир-ат махсус хәрби операция зонасында, шуңа күрә тәкъдим дистанцион рәвештә Лилия Хәмитованың 55 яшьлек юбилеенда ясалган.
Кияү егет тәкъдимне якын кешеләре – дуслары Винарис Илъегет һәм Лилия Хәмитова аша җиткергән, йөзекне дә аңа Винарис тапшырды.
Римма йөзекне кабул иткән, ә җавапны очрашу вакытында, шәхсән үзенә әйтергә булган.
«Ул тиздән кайтачак, мин аңа шунда җавап бирәчәкмен», – ди җырчы.
Егет Лилия Хәмитованы юбилее белән котлап, ак розалар бәйләме җибәргән, матур теләкләр язган, шулай ук: «Мин Римманы бик яратам. Җиңү безнең якта булачак! Булачак киявегез», – дип язган ул открыткага.
Римма бу дулкынландыргыч мизгелдә төшерелгән фотоларны «Бергенәм», «Сине сөясем килә» җырлары белән күрсәтә.