Руслан Кираметдиновтан яңа җыр: «Яшь чаклардан килми китәсе»
Руслан Кираметдиновның «Үтми торчы, гомер» дигән яңа җыры музыкаль мәйданчыкларга чыкты.
Халык яңа иҗат җимешен яратып кабул иткән, күпсанлы комментарийлар калдырганнар.
«Руслан өздереп, җиренә җиткереп, кешенең күңел кылларын тибрәтеп, моңлы итеп җырлый. Халык ярата», «Җырының сүзләре бигрәк мәгънәле инде», «Халыкның йөрәгендә кабатланмас моңы, үз-үзен тотышы, тыйнаклыгы белән Руслан инде күптән атказанган халык артисты» һ.б. язалар.
«Үткән саен еллар,
Артта кала юллар.
Яшь чаклардан
Килми китәсе.
Ялан тәпи атлап,
Гомер юлын аклап,
Шул юллардан,
Эх, бер үтәсе...»