«Беркайчан да соң түгел» - Айдар һәм Алмаз Юнысовлар яңа һөнәр үзләштергән
Игезәк җырчы, баянчы Айдар һәм Алмаз Юнысовлар тагын бер һөнәр үзләштергән. Егетләр Башкортстан Республикаcы Башлыгы карашындагы Башкорт дәүләт хезмәте һәм идарә итү академиясен тәмамлаган. Шушы көннәрдә уку йортында диплом тапшыру тантанасы үткән. Артистлар менеджмент белгечлеге буенча кызыл диплом алган.
«Бу безнең тормыштагы бик тә мавыктыргыч һәм кызыклы юл булды. Укырга беркайчан соң түгел. Биргән белемнәрегез өчен зур рәхмәт! Барлык мөгаллимнәребезне һәм курсташларыбызны котлыйм», - дип, куанычы белән уртаклашты Айдар Юнысов үзенең сәхифәсендә.