Февральдә кемнәргә арттырылган хезмәт хакы түлиләр?
Кабер кешеләр февраль ае өчен хезмәт хакына өстәмә алачак. Бу турыда «Татар-информ» яза.
Февральдә биш көнлек эш атнасында эшләүчеләр өчен өстәмә ял көне булды — 23 февраль. Әмма бу көнне сменалы график буенча эшләүчеләр, шулай ук төрле сәбәпләр белән җәлеп ителгән башка хезмәткәрләр эшкә чыкты.
РФ Хезмәт кодексы нигезендә, рәсми бәйрәм көнендә башкарылган эш өчен икеләтелгән күләмдә түләнергә тиеш. 23 февраль эшләми торган бәйрәм көннәренең берсе булганлыктан, бу көнне эшләгән хезмәткәрләргә хезмәт хакы икеләтә исәпләнә. Шуңа күрә арттырылган түләүләр республика халкына март башында хезмәт хакын исәпләгәндә биреләчәк.
Әгәр хезмәткәр бәйрәм көнендә тулы сменаны түгел, ә берничә сәгать кенә эшләгән булса да, яңадан исәпләү барыбер башкарыла: фактик эшләнгән вакыт икеләтә күләмдә түләнә, диелә хәбәрдә.