9 мартта Татарстанда 29 градуска кадәр суыта
Бүген республикада һава температурасының кисәк төшүе көтелә. Татарстан Гидрометеорология үзәге мәгълүматлары буенча, төнлә һәм иртән температура -25…-26 градуска, аязганда -29 градуска кадәр төшәчәк, дип яза «Татар-информ».
Шулай ук секундына 15 метрга кадәр көчле җил була. Явым-төшемнәр көтелми.
Көндез һава температурасы -16…-18 градус. Юлларда бозлавык саклана.