Россиядән килгән кызны Таиландта кулга алганнар
Таиландта Россия гражданы булган 34 яшьлек Анастасия Т.ны тоткарлаганнар. Аңа 3 елга кадәр ирегеннән мәхрүм итү яный. Бу турыда «РИА Новости» яза.
Әлеге хатын-кызны Таиландның Паттайя шәһәрендә лицензиясез косметолог булып эшләүдә һәм косметологик хезмәтләр күрсәтүдә гаепләп кулга алганнар.
Косметолог һөнәре Таиландта чит ил гражданнары өчен тыелган һөнәрләрнең берсе булып санала. Алар арасында шулай ук ялланып эшләүче машина йөртүче, такси йөртүче, табиб (медицина учреждениеләрендә хакимият рөхсәте белән консультация вазифаларыннан тыш) һәм башка һөнәрләр дә бар.
Моннан тыш, кулга алынган Анастасиянең Таиландта рәсми эшләргә рөхсәте дә булмаган, бу да аның эшчәнлеге законсыз булуын аңлата, диелә хәбәрдә.