د پکتیا ولایت په مرکز ګردېز کې د شپږو ولایتونو د والیبال د ۴۴ لوبډلو تر مینځ سیالۍ ترسره شوي دي. د پروګرام منتظمین وايي، چې له دې لوبو يې موخه د ځوانانو یووالی، خلکو لپاره د ساعت تېریي زمینې برابرول او له نشو څخه د ځوانانو راګرځول دي. د یاد ټورنامینټ پای لوبې ته د پکتیا او کابل د موسهي د والیبال لوبډلو لاره ومونده، چې د پکتیا د نیازیو د والیبال لوبډلې په بریا پای ته ورسېده. ویډیویي رپورټ.
د افغانستان په بغلان ولايت کې سېلابونو له ۳۰۰ زیات کسان وژلي او له ۲۰۰۰ زیات کورونه یې وران کړي دي. د ځينو کورنيوو ټول غړي وژل شوي او د ځينو یې يوازې يو يا دوه کسان پاتې دي. ګڼ خلک په خيمو کې ژوند کولو ته مجبوره شوي دي. که څه هم نړيوالو مرستې پيل کړې دي خو سېلاب ځپلي وايي بيړني کار ته اړتيا ده چې بهتره سرپناوې او خواړه ورته برابر شي. اوس هم د بارانونو لړۍ نه ده ودرېدلې او د نورو سیلابونو خطر شته دی. په دې اړه دا ويډيو راپور وګورئ.
د مې ۱۲مې په ماښام د لانګو په مشرۍ د حکومتي پلاوي او د صادق اڅکزي په مشرۍ د پرلتوالو کمیټۍ د مشرانو ترمینځ خبرې وشوې. په حکومتي پلاوي کې د کورنیو چارو صوبایي سیکرتر، د صوبې د پولیسو مشر او د صوبایي اسمبلۍ سپيکر کېپټن عبدالخالق شامل دي.
د خوست د نادر شاه کوټ ولسوالۍ یوشمېر اوسېدونکي وايي چې هلته دې پر خوړ اساسي بند جوړ شي. دوی وايي چې تر بارانونو وروسته په خوړ کې سېلاب نه یوازې کورونه او کرنیزې ځمکې خرابوي بلکې اوبه یې هم ضایع کېږي. د طالبانو د حکومت چارواکي وايي، دا مسله له اړوندو ادارو او نړیوالو موسسو سره شریکوي. ویډيويي رپورټ.
د خیبر پښتونخوا د اعلاوزیر او ګورنر ترمینځ ناندرۍ تر هغې وروسته پیل شوې چې څو ورځې مخکې کونډي وویل چې ګنډه پور دې د تحریک انصاف د زنداني رهبر عمران خان د خوشې کولو لپاره بې ځایه څرګندونې نه کوي.
د پاکستان وزیراعظم شهباز شریف پر وضعیت اندېښنه ښوولې ده او د مې پر ۱۲مه یې پر اېکس لیکلي دي چې د هغې سیمې له وزیراعظم او د کشمیر په اېتلافي حکومت کې یې د خپل ګوند مسلم لیګ (ن) له غړو سره خبرې دي.
په داسې حال کې چې په پنجاب او بلوچستان کې کروندګر د غنمو د حکومتي نرخونو پرضد او ورڅخه د غنمو نه اخیستو له وجې په احتجاج دي، د خیبر پښتونخوا حکومت وايي چې د صوبې د اړتیا پوره کولو لپاره یې تیاری کړی دی.
د طالبانو د حکومت د رییس الوزرا اقتصادي مرستیال ملا عبدالغني برادر د مې پر ۱۲مه بغلان ته تللی او هلته یې د وژل شویو او ژوبلو له کورنیو سره لیدلي دي. د فرانسې خبري اژانس وايي چې د مې پر ۱۱مه د ولایت په بېلابېلو برخو کې خلکو په سېلابونو کې د وژل شویو جنازې وکړې او مړي یې خاورو ته وسپارل.
په کراچۍ کې د مې پر ۱۲مه د عوامي نیشنل ګوند، پښتونخوا ملي عوامي ګوند او د پاکستان پيپلز پارټۍ غړي او پلویان د چودري په ملاتړ سړکونو ته وروتلي ول. د مظاهرچيانو د منتشرولو لپاره د جنرال پروېز مشرف د پوځي حکومت پولیسو اوښکې بهوونکی ګیس وکاراوه او ډزې یې وکړې.
په اسلام اباد کې لسګونه بلوڅ زده کوونکو او فعالانو د یو بلوڅ زده کوونکي د جبري درکۍ د دوو کلونو پوره کېدو په مناسبت احتجاجي لاریون او مظاهره کړې ده. دوی د مې ۱۱مې احتجاج پر مهال مشال راډیو ته وویل چې فېروز بلوڅ دوه کاله مخکې د راولپېنډۍ له زرعي پوهنتونه ورک شوی او تر اوسه یې هېڅ پته نه ده لګېدلې. دوی وویل چې حکومت دې ټول ورک زده کوونکي پیدا کړي او که پر چا تور وي، نو عدالت ته دې یې وړاندې کړي. فعالان او د بلوڅانو د حقونو سازمانونه وايي چې په پاکستان کې په تېرو شاوخوا دوو لسیزو کې لسګونه زره بلوڅان... Читать дальше...
