aljazeera: ისრაელის ეროვნული უსაფრთხოების ახალმა მინისტრმა იტამარ ბენ-გვირიმ სამართალდამცველებს დაავალა, პალესტინის დროშები საჯარო სივრცეებიდან მოხსნან
ისრაელის ეროვნული უსაფრთხოების ახალმა ულტრამემარჯვენე მინისტრმა იტამარ ბენ-გვირიმ სამართალდამცველებს დაავალა, პალესტინის დროშები საჯარო სივრცეებიდან მოხსნან. ამის შესახებ aljazeera იტყობინება.
„ბენ-გვირი, რომელიც ხელმძღვანელობს ბენიამინ ნეთანიაჰუს ახალ ულტრამემარჯვენე მთავრობაში უსაფრთხოების უწყებას, როგორც ჩანს მიუთითებს მტკიცე და უკომპრომისო დამოკიდებულებაზე პალესტინის იდენტობის გამოხატვისა და სიტყვის თავისუფლების მიმართ“, – წერს მედიასაშუალება.
პალესტინელები ასეთ ნაბიჯებს პალესტინის იდენტობის აღკვეთის მცდელობად აფასებენ.
ბენ-გვირიმ გადაწყვეტილება მას შემდეგ მიიღო, რაც თელ-ავივში მასობრივი ანტისამთავრობო პროტესტის შემდეგ, დემონსტრანტმა პალესტინის დროშა გაშალეს.
ბენ-გვირიმ პალესტინის დროშის ფრიალს ტერორიზმის მხარდამჭერი აქტი უწოდა.
„არ შეიძლება ტერორისტების დროშები აფრიალონ. სწორედ, ამიტომ საჯარო სივრციდან ტერორიზმის მხარდამჭერი დროშების ამოღება დავავალე“, – აცხადებს ბენ-გვირი.