კახა ოქრიაშვილი: რუსეთის აგენტურა „coming out“-ს აკეთებს საქართველოში
პარტია „პროგრესი და თავისუფლებას“ ლიდერი კახა ოქრიაშვილი განცხადებას ავრცელებს, რომელსაც „ინტერპრესნიუსი” უცვლელად გთავაზობთ:
„ბატონმა ივანიშვილმა „გამოაგორა“ კობახიძე და ავტობუსების ორმაგ ფასად შემსყიდველი კალაძე, რომლებმაც განაცხადეს, რომ ევროპა, ევროკავშირი, დასავლეთი და არაფერი არ უნდათ, თუ ხელისუფლებაში ბიძინა ივანიშვილი არ იქნება და თუ ვერ განაგრძობენ ამ ქვეყნის გაქურდვას, ანუ საქართველოს ბიუჯეტში ხალხის მიერ გადარიცხული გადასახადების ქურდობას.
შეგახსენებთ, რომ ბოლო 20 წელია, ყველა კვლევა ადასტურებს ქართველი ხალხის 80 %-ის მისწრაფებას ევროკავშირისა და დასავლური ღირებულებებისკენ. ამ სამწუხარო მოცემულობაში, ერთ რამ არის ძალიან კარგი – რუსეთის აგენტურა „coming out“-ს აკეთებს საქართველოში!
რუსეთის აგენტურა „ჩაირეცხება“ და საქართველოში ჭეშმარიტად დემოკრატიული ძალები მოვლენ ხელისუფლებაში. პროცესი დაწყებულია – შედეგი გარდაუვალი!“ – აცხადებს ოქრიაშვილი.