ცეცხლოვანი სარტყელი – წყნარი ოკეანის სახიფათო სივრცე
მსოფლიოში მომხდარი მიწისძვრებისა (შესაბამისად ცუნამების) და ვულკანების ამოფრქვევის 90% სწორედ ცეცხლოვანი სარტყლის წყნაროკეანოვან ნაწილზე ხდება. აღსანიშნავია, რომ 1900 წლიდან, მსოფლიოს 12 ყველაზე ძლიერი მიწისძვრიდან 11 სწორედ ცეცხლოვანი სარტყლის ქვეყნებში მოხდა.
ამ ქვეყნების სიაში შედის იაპონია, რუსეთი, ფილიპინები, ინდონეზია, ბრუნეი, სინგაპური, ახალი ზელანდია, კანადა, აშშ, მექსიკა, გვატემალა, პანამა, ეკვადორი, პერუ, ბოლივია, ჩილე, არგენტინა.
მსოფლიოში ყველაზე ძლიერი და დამანგრეველი მიწისძვრა, რომელიც ოდესმე დაფიქსირებულა, ჩილეში მოხდა, 1960 წელს. მიწისძვრით გამოწვეული ცუნამის სიჩქარე 322 კმ/სთ-ს აღწევდა, რომელმაც ფაქტობრივად ცეცხლოვანი სარტყლის ყველა ქვეყნამდე მიაღწია, ზღვის დონის ცვლილებები კი მთელი წყნარი ოკეანის აუზში აღინიშნებოდა.
მსოფლიოს ყველაზე აქტიური ვულკანების უმეტესობა ცეცხლოვანი სარტყელის დასავლეთ ნაწილზეა განთავსებული, მაგალითად კრაკატაუ – რაკატას კუნძულზე მდებარე ვულკანი. მდებარეობს ინდო-ავსტრალიისა და ევრაზიის ტექტონიკური ფილების შეერთების ადგილას, რომელიც მაღალი ვულკანური და სეისმური აქტიურობით ხასიათდება.
ცეცხლოვანი სარტყელი ერთ-ერთი ყველაზე ფენომენალური და საშიში მოვლენაა დედამიწაზე.
წყარო/ფოტო: Wiki