პაატა მანჯგალაძე: ნუ მოვიტყუებთ თავს – უნდა ვთქვათ: „არა რუსულ ხელისუფლებას“

ღარიბაშვილმა ახალგაზრდებს სატანისტები დაუძახა, ის ქვეყნისთვისაც და საკუთარი თავისთვისაც სახიფათოა , – ამის შესახებ „სტრატეგია აღმაშენებლის“ დეპუტატმა პაატა მანჯგალაძემ ტელეკომპანია „პალიტრანიუსის“ გადაცემა „360 გრადუსში“ განაცხადა.

მისივე თქმით, ირაკლი ღარიბაშვილი „კარგად არ არის“.

„კოვიდის დროს ვიდეო რომ იყო, ქალბატონი რომ ამბობდა, „ეს არ არის კარგადო“ ასევე შეგვიძლია ვთქვათ, რომ ღარიბაშვილი არ არის კარგად“, – განაცხადა მანჯგალაძემ.

მისი თქმით, ღარიბაშვილის არავის ეშინია და „ტყუილად ყელყელაობს“.

„ნუ მოვიტყუებთ თავს. „ქართული ოცნების“ პერიოდში, უნდა ვთქვათ „არა რუსულ კანონს“ კი არა, არამედ „არა რუსულ ხელისუფლებას“. რეალობა ასეთია. გამოჩნდა, თუ რა დასკვნა გამოიტანა ღარიბაშვილმა ამ აქციებიდან – არაფერი. ახალგაზრდებს, რომლებიც ევროპულ მომავალს იცავდნენ, სატანისტები დაუძახა. ღარიბაშვილი ქვეყნისთვისაც და საკუთარი თავისთვისაც სახიფათოა. ახალგაზრდებმა დაწერეს -„ბებიაჩემის „ჩუსტის“ სროლის უფრო მეშინია, ვიდრე თქვენიო“. ღარიბაშვილის არავის ეშინია, ტყუილად „ყელყელაობს“, ჯობს გაიაზროს, რაც არის რეალობა და არ იქცეს დაბრკოლებად საქართველოს ევროპული მომავლისთვის“, – განაცხადა პაატა მანჯგალაძემ.