ანდრეი იუსოვი: …ღვთის სასჯელია უმანის გამო
უკრაინის თავდაცვის სამინისტროს მთავარი სადაზვერვო სამმართველოს წარმომადგენელი ანდრეი იუსოვი სევასტოპოლში ნავთობის რეზერვუარის აფეთქებას ეხმაურება და ამბობს, რომ ეს „ღვთის სასჯელია უმანის გამო“.
ანდრეი იუსოვის ინფორმაციით, სევასტოპოლში 29 აპრილს მომხდარი აფეთქების შედეგად განადგურდა ნავთობპროდუქტებით სავსე სულ მცირე 10 რეზერვუარი, რომელთა საერთო მოცულობაც დაახლოებით დაახლოებით 40 ათასი ტონაა.
„სევასტოპოლში მომხდარი ღვთის სასჯელია უმანში მოკლული მშვიდობიანი მოსახლეობისთვის, მათ შორის, ხუთი ბავშვისთვის. ეს სასჯელი გრძელვადიანი იქნება. დროებით ოკუპირებული ყირიმის ყველა მცხოვრებისთვის რეკომენდებულია, უახლოეს პერიოდში არ დარჩნენ სამხედრო ობიექტების და აგრეთვე, აგრესორი ქვეყნის მომმარაგებელი ობიექტების სიახლოვეს“, – ამბობს იუსოვი.