კრემლზე თავდასხმას რუსეთი ოფიციალურად ადასტურებს
რუსული მხარის განცხადებით, უკრაინამ ღამით კრემლზე უპილოტო საფრენი აპარატებით შეტევა სცადა. კრემლის განცხადებით, უკრაინული იერიშის დროს პუტინი არ დაშავებულა, ხოლო მისი სამუშაო გრაფიკი არ შეცვლილა.
მოგვიანებით, კრემლში დააზუსტეს, რომ თავდასხმის დროს პუტინი კრემლში არ იმყოფებოდა. წინასწარი ინფორმაციით, თავდასხმა კრემლის ტერიტორიაზე დრონებით განოხრიცელდა. სავარაუდოდ კრემლში ორი აფეთქება მოხდა. მოგვიანებით, კრემლის გარე განათება გამოირთო. ზოგიერთი ცნობით დრონებმა მთელი მოსკოვი დაუბრკოლებლად გადაიფრინეს და მათი ჩამოგდება, მხოლოდ კრემლის ტერიტორიაზე მოხერხდა
„კრემლისკენ ორი უპილოტო საფრენი აპარატი იყო მიმართული. სპეცსამსახურების მიერ სარადარო საბრძოლო სისტემების დროული მოქმედებების შედეგად, მოწყობილობები ჩამოაგდეს“, – ნათქვამია განცხადებაში.
რუსეთმა მომხდარი „ტერაქტად“ შეაფასა.
„უპილოტო საფრენი აპარატების ფრაგმენტების ჩამოვარდნასა და მიმოფანტვას მსხვერპლი არ მოჰყოლია“, – აცხადებს კრემლი.