რომაული არდადეგები – კლასიკად ქცეული ფილმის ამბავი
“რომაული არდადეგები” ყველა დროის ერთ-ერთი საუკეთესო ნამუშევარი და ლეგენდად ქცეული კლასიკაა. ოდრი ჰეპბერნისა და გრეგორი პეკის დაუვიწყარი სასიყვარული თავგადასავალი გულგრილს არავის ტოვებს.
პეკის უკვე 18 ფილმი და 4 ოსკარის ნომინაცია ჰქონდა მოპოვებული, როდესაც ფილმში მთავარ როლზე დაამტკიცეს, ხოლო ოდრის მხოლოდ პატარა უმნიშვნელო როლები ჰქონდა ნათამაშები. გრეგორიმ დამწყებ მსახიობს მაშინვე უწინასწარმეტყველა, რომ იგი პირველივე დიდი პერფონმანსის შემდეგ ოსკარს აიღებდა.
ერთ-ერთი სცენის გადაღებისას, როდესაც მთავარი პერსონაჟები ემოციურები ხდებიან, ოდრის უნდა ეტირა, თუმცა მან ეს ვერ მოახერხა, რეჟისორმა კი დაუყვირა, რის გამოც მსახიობი განერვიულდა და ტირილი დაიწყო. მათ კი არ დააყოვნეს და სცენა გადაიღეს. მოგვიანებით, ოდრიმ თქვა, რომ რეჟისორმა მას ბოდიში მოუხადა და აუხსნა, რომ სხვა გზა არ ჰქონდა.
“სიმართლის პირის” სცენის გადაღებისას ოდრის ემოციური ყვირილი ბუნებრივი და ნამდვილი იყო. მიზეზი კი ის გახლდათ, რომ გრეგორიმ პარტნიორი მოატყუა და ხელი პიჯაკის სახელოში დამალა, რაც დაგეგმილი არ ყოფილა.
თავდაპირველად მთავარ როლებზე ელიზაბედ ტეილორი და გარი გრანტი განიხილებოდნენ, თუმცა ეს იდეა ვერ განხორციელდა.
გრეგორი პეკმა მისი ცხოვრების მეორე სიყვარული გადაღებისას გაიცნო. ვერონიკა პასანი რომში გადაღებებზე ჩავიდა, რათა მსახიობისგან ინტერვიუ აეღო, თუმცა მათ ერთმანეთი შეუყვარდათ. მაშინ ორივე დაქორწინებული გახლდათ, გრეგორი კი უიღბლო ქორწინებაში იმყოფებოდა.
ოდრი ჰეპბერნმა ამ დაუვიწყარი შესრულებისთვის ოსკარი აიღო. იგი იმდენად ნერვიულობდა, რომ სცენაზე ასვლისას გზა აერია და არასწორი მიმართულებით წავიდა, ხოლო შემდეგ მოგებული ოსკარი ქალების მოსაცდელ ოთახში დარჩა. საბოლოოდ, რა თქმა უნდა, ორივემ ერთმანეთი იპოვა და ყველაფერი ბედნიერად დასრულდა.
წყარო: Mental Floss ფოტო: Los Angeles Times