ხაშურის მერია: ხეები მერიას არ ჩაუბეტონებია. ეს რამდენიმე დღის ამბავია, ალბათ 3 დღის წინ ჩაიდინა კერძო პირმა
ხაშურის ეკონომიკური სამსახურის უფროსმა სერგო ლალიაშვილმა ადგილობრივ მედიასაშუალება „მოზაიკასთან“ საუბარში თქვა, რომ სურამში ხეები კერძო პირმა სატყეო ტერიტორიაზე ჩააბეტონა.
მისივე თქმით, ეს ვანდალური ფაქტი ჩაიდინა კერძო პირმა, რომელიც კანონის სრული სიმკაცრით დაისჯება.
„ხეები მერიას არ ჩაუბეტონებია. ეს რამდენიმე დღის ამბავია, ალბათ 3 დღის წინ ჩაიდინა კერძო პირმა ეს ვანდალური ფაქტი და ის აუცილებლად სამაგალითოდ დაისჯება”, – აცხადებს ლალიაშვილი.
მერიის წარმომადგენლის თქმით, ფაქტის შესახებ მათ სოციალურ ქსელში გავრცელებული ინფორმაციიდან გაიგეს და მომხდარის შესასწავლად, ადგილზე ზედამხედველობის სამსახური გაგზავნეს.