თინა ბოკუჩავა: ვიცე-სპიკერის თანამდებობა საერთაშორისო ბერკეტია, რომელიც უნდა გამოვიყენოთ ევროპული მომავლის გადასარჩენად

„ეს არის მნიშვნელოვანი საერთაშორისო ბერკეტი,რომლის გამოყენების შესაძლებლობა არ უნდა მიეცეთ ისეთ პოლიტიკურ წარმონაქმნებს, როგორებიც არიან ე.წ „ ხალხის ძალა“, – ასე გამოეხმაურა „ერთიანი ნაციონალური მოძრაობის“ ფრაქციის თავმჯდომარე თინა ბოკუჩავა ნიკა მელიას განცხადებას, რომლის თქმითაც ფრაქციაში მიმდინარეობს ადგილების გადანაწილება.

როგორც თინა ბოკუჩავამ აღნიშნა, ვიცე-სპიკერის თანამდებობის ბერკეტი „ხალხის ძალას“ არ უნდა მიეცეს.

„არ მესმის რა შეიძლება იყოს კონტრშეთავაზება ადამიანების, რომლებმაც გააჟღერეს ამგვარი კრიტიკა. კონტრშეთავაზება იქნება, რომ სოზარ სუბარის „ხალხის ძალის“ და მსგავსი პოლიტიკური სუბიექტებისთვის მოხდეს ისეთი მნიშვნელოვანი, საერთაშორისო ბერკეტების დათმობა მათ შორის, როგორც ეს კონკრეტული ბერკეტი იქნება იმისთვის, რომ მთავარმა ოპოზიციურმა ძალამ შეძლოს და ადვოკატირება მოახდინოს ჩვენი ევროპული მიზნების რეალიზაციის, ისევე როგორც და მნიშვნელოვანწილად ასევე, პრეზიდენტი სააკაშვილის გათავისუფლების მოთხოვნით. ეს არის მნიშვნელოვანი საერთაშორისო ბერკეტი,რომლის გამოყენების შესაძლებლობა ჩემი აზრით არ უნდა მიეცეთ ისეთ პოლიტიკურ წარმონაქმნებს როგორებიც არიან ე.წ „ ხალხის ძალა“, – განაცხადა ბოკუჩავამ.