ახალციხეში, ყირიმ–კონგოს ცხელებით ექიმი გარდაიცვალა
თბილისის ინფექციურ საავადმყოფოში ყირიმ–კონგოს ცხელებით, ახალციხის სოფელ წყალთბილაში მცხოვრები ექიმი გარდაიცვალა.
როგორც „სამხრეთის კარიბჭე“ დაავადებათა კონტროლის ეროვნული ცენტრის სამცხე–ჯავახეთის განყოფილებაზე დაყრდნობით წერს, 60 წლამდე კაცმა კლინიკას დაგვიანებით მიმართა და მისი გადარჩენა ვეღარ მოხერხდა.
არსებული ინფორმაციით, ყირიმ–კონგოს ჰემორაგიული ცხელება პაციენტს ლუგარის ლაბორატორიაში დაუდასტურდა, დადასტურებიდან ორ დღეში კი, 1 ივნისს, ის გარდაიცვალა.
მიმდინარე წელს, სამცხე–ჯავახეთში ამ დროისთვის, ყირიმ–კონგოს ცხელების 8 შემთხვევაა დადასტურებული.