მილანიდან მომავალი თვითმფრინავი უამინდობის გამო, ქუთაისის ნაცვლად თბილისში დაჯდა
კომპანია Wizz Air-ის თვითმფრინავი, რომელიც მილანიდან ქუთაისში ასრულებდა რეისს, თბილისის აეროპორტში დაჯდა. აეროპორტების გაერთიანებაში Newshub.ge-ს განუმარტეს, რომ აღნიშნული გადაწყვეტილება პილოტმა უამინდობის გამო მიიღო.
როგორც აეროპორტების გაერთიანებაში აცხადებენ, ამ დროისთვის წვიმამ გადაიღო და რეისი ბარსელონასკენ, რომელიც ამავე თვითმფრინავს უნდა განეხორციელებინა, 17:30 საათზე შესრულდება.
„ბაზირებული რეისია, მილანიდან ჩამოფრენის შემდეგ, ქუთაისიდან ბარსელონას მგზავრები უნდა წაეყვანა. თბილისში შეავსებს საწვავს, ქუთაისში გადაფრინდება მგზავრებიანად და 17:30 საათზე გაფრინდება ბარსელონას მიმართულებით“, – აცხადებენ აეროპორტების გაერთიანებაში.