“მართლაც, არის ინფორმაცია, რომ კადიროვი მძიმე მდგომარეობაშია”
უკრაინის თავდაცვის სამინისტროს მთავარი სადაზვერვო სამმართველოს წარმომადგენელი ანდრი იუსოვი ჩეჩნეთის ლიდერის რამზან კადიროვის ჯანმრთელობის მდგომარეობის გაუარესების შესახებ გავრცელებულ ცნობებს გამოეხმაურა და თქვა, რომ მართლაც აქვთ ამასთან დაკავშირებით ინფორმაცია, კერძოდ კი ის დაავადებები, რაც ჩეჩნეთის ლიდერს ჰქონდა – გაუარესდა.
„მართლაც, არის ინფორმაცია, რომ კადიროვი მძიმე მდგომარეობაშია და იქ არსებული დაავადებები გაუარესდა და გახდა ამ მდგომარეობის მიზეზი“, – დაწერა იუსოვმა TELEGRAM-ზე.
ცნობისთვის, მასმედიაში გავრცელდა ინფორმაცია, თითქოს კადიროვი რამდენიმე დღეა კომაშია და ექიმები მას ვერ შველიან. ჩეჩნურ მხარეს ამასთან დაკავშირებით, ოფიციალური განცხადება ჯერჯერობით არ გაუკეთებია. კადიროვის Telegram გვერდზე კვლავაც ვრცელდება სხვადასხვა ცნობები, თუმცა თავად ის 2 კვირაა არცერთ ვიდეოში და არც შეკრებებზე არ ჩნდება.