თამარ ჩხეიძე: ამ დილით პრეზიდენტ ზელენსკის მოვუსმინე! გასაოცარი ქვეყნის გასაოცარი ლიდერი!
“ამ დილით პრეზიდენტ ზელენსკის მოვუსმინე! გასაოცარი ქვეყნის გასაოცარი ლიდერი!
უკრაინაში რუსეთის შეჭრის შემდეგ ეს ერთი შეხედვით ჩვეულებრივი პოლიტიკოსი, პრეზიდენტად არჩეული ახალგაზრდა მსახიობი უცებ, მთელი მსოფლიოს წინაშე მოგვევლინა ბიბლიური მასშტაბის კოლოსალურ ფიგურად, რომელიც შესაფერისი სიმტკიცით და სიბრძნით წარმართავს საკაცობრიო ბრძოლას უზარმაზარი ურჩხულის წინააღმდეგ, ურჩხულის, რომელმაც კაცობრიობის ჩაყლაპვა მოინდომა!
თუმცა ბრძოლა ისე მარტივი არ აღმოჩნდა როგორც რაღაც ეტაპზე ჩანდა და დაჭრილი ურჩხული ჯერ კიდევ დიდი რაოდენობით სისხლით იკვებება, მაგრამ უკრაინა და დემოკრატიული სამყარო საიმედოდ მიიწევენ წინ და აუცილებლად გაიმარჯვებენ. ეს გარდაუვალია,” – წერს სოციალურ ქსელში პოლიტიკოსი თამარ ჩხეიძე.