Қирғизистон ба сафири Тоҷикистон нотаи эътирозӣ дод
Дар ҳамин ҳол, вазирони корҳои хориҷии Тоҷикистону Қирғизистон субҳи имрӯз гуфтугӯ кардаанд. Вазорати корҳои хориҷии Қирғизистон гуфт, Сироҷиддин Муҳриддин ва Жээнбек Кулубоев дар бораи ҳалли вазъи пешомада дар марзи ду кишвар суҳбат намуданд.
Ба навиштаи расонаҳои Қирғизистон, Қамчибек Тошиев, раиси Кумитаи давлатии амнияти миллии Қирғизистон бо ҳамтои тоҷикаш Саймумин Ятимов гуфтугӯ дорад.
Муноқишаи тоза субҳи 16-уми сентябр дар чандин нуқтаҳои марзии Тоҷикистону Қирғизистон сар зад. Ба гуфтаи мақомоти ду кишвар, тирпарронӣ то соати 10 идома дорад ва маълум нест, ки кай қатъ мешавад.