د افغانستان د فوټبال لوبډلې غړي تاجکستان ته لاړل
د افغانستان د تر۲۳ کلونو لاندی عمرونو د فوتبال ملي ټیم د اسیاجام ته د لارموندنې د سیالیو په هدف د تمرینونو لپاره تاجکستان ته ولاړ.
د افغانستان د فوتبال فدراسیون په خپله فیسبوک پاڼه کې کښلي، چې د هیواد د ملي ټیم غړي به د تاجکستان په پلازمېنه دوشنبې کې په یوه تمریني کمپ کې له ګډون وروسته، په سپټمبرمیاشت کې د ازبکستان پلازمېنې تاشکند ته ولاړشي او د ۲۰۲۴ کال اسیایي جام ته د لارموندنې په سیالیو کې به ګډون وکړي.
د دې فدراسیون په وینا، د افغانستان د فوتبال د تر۲۳ کلونو کمعمره ټیم به راتلونکې اونۍ د چارشنبې په ورخ له ازبکستان لوبه وکړه او د سپټمبرپه نهمه به له ایران سره ولوبیږي.
د افغانستان د فوتبال ټیم به د سپټمبرپه ۱۲ د هانګ کانګ له ټیم سره د لوبې ډګرته ووځي.