სახალხო დამცველი, ლევან იოსელიანი პარლამენტის შენობასთან მიმდინარე ხალხმრავალ აქციას ეხმაურება და შსს-ს მოუწოდებს, შეკრების მონაწილეებს არ შეუშალოს ხელი კონსტიტუციით გარანტირებული უფლების განხორციელებაში.
საქართველოს პრეზიდენტი სალომე ზურაბიშვილი თბილისში მიმდინარე საპროტესტო აქციას ეხმაურება.
თბილისში, პარლამენტის შენობის მიმდებარე ტერიტორიაზე რამდენიმე ადამიანი დააკავა. ისინი ე.წ. აგენტების კანონს აპროტესტებდნენ. დაკავებულთა ზუსტი რაოდენობა ჯერ უცნობია - რადიო თავისუფლება შსს-ს პრესსამსახურიდან ელოდება დაზუსტებულ ინფორმაციას.
იურიდიულ საკითხთა კომიტეტმა, პარლამენტის წინ მიმდინარე ფართომასშტაბიანი პროტესტის ფონზე, პირველი მოსმენით მხარი დაუჭირა „აგენტების კანონს“. მისი განხილვა პლენარულ სხდომაზე პირველი მოსმენით გაგრძელდება.
რუსეთის მთავრობაში შესაძლოა გაჩნდეს ახალი სამინისტრო, რომლის ფუნქციაც ახალგაზრდების „პატრიოტული აღზრდა“ იქნება.
„ეს არის პირველი ნაბიჯი, რეპრესიებისკენ მიმავალ არცთუ გრძელ გზაზე“ - რუსეთში უცხოურ აგენტად აღიარებული ჟურნალისტი ეკატერინა კოტრიკაძე იხსენებს, როგორ იმუშავა ამ კანონმა რუსეთში და ადარებს პროცესს, რომელიც ახლა საქართველოში მიმდინარეობს.
თბილისის მსგავსად ე.წ. აგენტების კანონის წინააღმდეგ აქციები იმართება რეგიონებშიც. სამოქალაქო აქტივისტები, ჟურნალისტები და მოქალაქეები შეიკრიბნენ ბათუმში, ზუგდიდში და ახალციხეშიც.
სანამ პარლამენტი „აგენტების კანონს“ ხელახლა განიხილავს, საქართველოს მთავრობა შეერთებულ შტატებს, ევროკავშირსა და დასავლელ მოკავშირეებს „შიდა საქმეებში ჩარევაში“, „ოპოზიციის ჩანაცვლებაში“ სდებს ბრალს, მათ წარმომადგენლებს კი სატელევიზიო დებატებში იწვევს.
„ბოლო ორი დღეა, შედარებით უკეთ გრძნობს თავს, სასეირნოდაც გავიყვანე, მეგობრებს შეხვდა, მინდა, გული გადააყოლოს“, - ეუბნება რვა წლის გოგოს დედა რადიო თავისუფლებას. მისი შვილის გაუპატიურების ბრალდებით, ათი დღის წინ არასრულწლოვანი, 14 წლის ბიჭი დააკავეს.
საპარლამენტო უმრავლესობის წევრი ბექა ოდიშარია ამბობს, რომ მათი ლიდერისთვის, მამუკა მდინარაძისთვის მუშტის დარტყმა მათი ღირსების საკითხია. იურიდიულ საკითხთა კომიტეტის სხდომაზე, სადაც ოდიშარიამ ეს განცხადება გააკეთა, ოპოზიციის ნაწილმა მისი ნათქვამი მუქარად აღიქვა.
პარლამენტარი ალეკო ელისაშვილი სოციალური ქსელების მთავარი თემა გახდა - მას შემდეგ, რაც პარტია „მოქალაქეების“ ლიდერმა საპარლამენტო უმრავლესობის ლიდერს, მამუკა მდინარაძეს, კომიტეტის სხდომაზე, „აგენტების კანონის“ წარდგენისას შეაგინა და სახეში მუშტი ჩაარტყა.