Новости за 07.01.2024

Алабугада Виталий Дерягин истәлегенә чаңгы ярышлары узды. Бу хакта «Алабуга нуры» газетасы яза.

Югары Ослан картлар һәм инвалидлар интернат-йортында Яңа ел викторинасы узды. Бу хакта «Югары Ослан» газетасы яза.

Әлмәт район үзәк хастаханәсендә бердәм контакт-үзәк номерын үзгәрттеләр. Ул 27 декабрьдән эшли башлады. Хәзер әлмәтлеләр 26-00-06 номерына шалтырата ала. Бу хакта хастаханәнең матбугат хезмәте хәбәр итә, дип яза «Әлмәт таңнары» газетасы.

Бүген Казанның «Ак Барс» һәм Екатеринбургның «Автомобилист» хоккейчылары арасындагы уен «Ак Барс» җиңүе белән тәмамланды. Уен исәбе – 2:1. Матч Казанда «Татнефть Арена» боз сараенда узды.

Бүген Казахстан территориясендә җирле вакыт белән 09.10 сәгатьтә (Мәскәү буенча 06.10 сәгатьтә) Алма-Ата шәһәреннән ерак түгел 4,6 магнитудалы җир тетрәү теркәлгән. Бу хакта республика Гадәттән тыш хәлләр министрлыгының сейсмологик тәҗрибә-методик экспедициясе хәбәр итте, дип яза «Интерфакс».

2023 ел нәтиҗәләренә караганда, Россиядә «КАМАЗ» гаммәви акционерлык җәмгыяте — яңа йөк машиналары сату күләме ягыннан лидер. Моны Россия Сәнәгать һәм сәүдә министрлыгы мәгълүматлары дәлилли.

2024 елның 1 гыйнварыннан социаль тәэмин итү, мәгариф, медицина, мәдәният һәм фән өлкәләре хезмәткәрләренә хезмәт хакы 9,8 процентка индексацияләнде. Бу хакта «Югары икътисад мәктәбе» милли тикшеренү университетының хокук факультеты деканы Вадим Виноградов хәбәр итте, дип яза «Труд».

Татарстан башкаласы 2023 елның IV кварталында Россиянең зур һәм урта шәһәрләре арасында вакансиягә дәгъва итүчеләрнең көткән хезмәт хакы ягыннан дүртенче урынны алды. Моны Россия хөкүмәте каршындагы Финанс университеты үткәргән социологик мониторинг нәтиҗәләре дәлилли.

Татарстан Гидрометеорология хезмәте идарәсе фаразларына караганда, 8 гыйнварда төнлә һәм иртән Татарстан Республикасы территориясендә урыны белән температураның -33 градуска кадәр төшүе көтелә.

Казанда полиция Корстон янындагы парковкада булган атыштан соң тикшерү үткәрә. Бу хакта «Татар-информ»га ведомстводан хәбәр иттеләр.

Яңа ел каникулларында Татарстанның балалар лагерьларында барлыгы 6050 укучы ял итә. Бу хакта Татарстан Яшьләр министрлыгы матбугат хезмәте хәбәр итә.

Прокуратура Татарстанның Баулы районындагы булган юл-транспорт һәлакәте шартларын тикшерә, анда биш кеше зыян күргән. Бу хакта Татарстан прокурорының өлкән ярдәмчесе Руслан Галиев хәбәр итте.

Салкыннар сәбәпле, бүген Казан ипподромындагы Яңа ел чаралары кичектерелде. Бу хакта шәһәрнең Совет районы администрациясе хәбәр итә.

Сентябрьдә Мәскәү БРИКС илләренең IX юридик форумын кабул итәчәк. Бу вакыйга Россия рәислеге кысаларында оештырылган, дип хәбәр итә РИА Новости.

Россия Федерациясе мөселманнары Диния нәзарәте рәисе, Россия Мөфтиләр шурасы рәисе мөфти шәех Равил Гайнетдин православие христианнарына Раштуа белән котлау юллады. Аның котлавы Россия мөфтиләр шурасы сайтында чыккан.

Татарстанның Тукай районында берничә автомобиль бәрелешкән. Бу хакта «Татар-информ»га юл-транспорт һәлакәте шаһитлары хәбәр итте.

Россия Президенты Владимир Путин махсус операциядә һәлак булганнарның гаиләләренә түләүләр белән бәйле проблемаларны хәл итәргә вәгъдә бирде. Мәсьәлә дәүләт башлыгының Россия геройлары хатыннары һәм балалары белән очрашуында күтәрелде. Бу хакта ТАСС хәбәр итә.

Россия Президенты Владимир Путин махсус операция барышында һәлак булган хәрбиләрнең гаиләләре белән очрашты. Бу хакта Кремльнең матбугат хезмәте хәбәр итә.

Бүген, 7 гыйнварда, Юлиан календаре буенча Раштуа көнендә, Татарстанда элегрәк урнашкан аномаль салкын һава торышы саклана. Бу хакта Татарстан Гидрометеорология үзәге хәбәр итә.

Татарстан Рәисе Рөстәм Миңнеханов үзенең язылучыларын Раштуа бәйрәме белән котлады. Телеграм-каналында ул православие христианнарына игелек, бәхет һәм иминлек теләгән.

Арча районының «Укучылар сарае» өстәмә белем бирү оешмасы Гаилә елы уңаеннан «Әти, әни, мин - шахмат гаиләсе» турниры оештырды. Бу хакта «Арча хәбәрләре» газетасы яза.

4-5 гыйнварда Бөгелмә шәһәрендә Ефрат Тимерҗанов исемендәге «Юность» спорт мәктәбендә яшүсмерләр һәм юниорлар арасында бокс буенча Раштуа турниры узды. Бу хакта «Әлмәт таңнары» газетасы яза.

Югары Ослан районының Вахит авылы китапханәсендә яшь укучылар өчен «Кышкы әкият» дигән рәсем ясау конкурсы узды. Бу хакта «Югары Ослан» газетасы яза.