Новости за 15.01.2024

Азнакайда мәктәп укучыларына сөрем газы һәм мошенниклар турында онлайн дәрес булды. Аны район башкарма комитеты җитәкчесе Айдар Шәмсетдинов һәм башкарма комитетның эшләр белән идарәчесе Руслан Дәүләтшин на үткәрде. Бу хакта «Азнакай» сайтында хәбәр итә.

Ульяновск өлкәсенең «Өмет» газетасында Р.Нигъмәтленең «Җиде йортлы Кызыл Сөендекнең киләчәге бармы?» дигән язмасы чыкты.

Бөгелмә шәһәре Үзәк мәчетендә мәктәп яшендәге малайлар өчен «Сәлам» рухи тәрбия курсларының кышкы сменасы төгәлләнде. Аны Бөгелмә шәһәре һәм Бөгелмә районы мөхтәсибәте оештырды. Бу турыда Татарстан Диния нәзарәте хәбәр итте.

Төмәннең «Яңарыш» газетасында Исәт районы, Югары Егәнле авылыннан Ачилә Ихсанованың «Кәҗә мамыгы» бәйрәме» дигән язмасы чыкты.

Алабуганың «Без бергә» гуманитар штабы активистлары һәм яшь гвардиячеләр бу елда беренче гуманитар ярдәм партиясен озатты. Битараф булмаган алабугалылар һәм төрле оешмалар көче белән кыр һәм төбәк госпитальләрендә яткан хәрбиләргә 1,5 тоннадан артык гуманитар ярдәм җыелган. Бу хакта «Алабуга нуры» хәбәр итә.

Әлмәттә Яңа ел чыршыларын җыя башладылар. Быел да әлеге эш белән «Экосервис» җәмгыяте шөгыльләнә. Бу хакта «Әлмәт таңнары» хәбәр итә.

Яшел Үзәннең Норлат урта гомуми белем бирү мәктәбендә махсус хәрби операциядә катнашучы авылдашларына багышланган Батырлык галереясен ачу тантанасы булды. Бу вакыйгага фронттан Норлат мәктәбен тәмамлаган подполковник Нәсим Таһиров кайткан. Бу хакта «Яшел Үзән» сайтында хәбәр ителә.