Новости за 10.02.2024

«Алабуга нуры» һәм «Новая Кама» газеталары редакцияләре «Солдатка хат» проектын башлап җибәрде.

Чирмешән районы Әмир авылында яшәүче Нурсинә һәм Илдус Җиһаншиннар 40 ел бергә гомер итү юбилейларын – рубин туйларын авыл мәдәният йортында зурлап үткәрде. Бу хакта «Безнең Чирмешән» хәбәр итә.

Махсус хәрби операциядә катнашучы Зәй егете Жуков медале белән бүләкләнде. Махсус хәрби операция зонасыннан ялга кайткан Зәй хәрбиләре белән очрашуда медальне мобилизацияләнгән егетнең гаиләсенә район башлыгы урынбасары Петр Уразайкин тапшырды. Бу хакта «Зәй яңалыклары» хәбәр итә.

Ульяновск Татар мәдәният үзәгендә Барый Тарханов исемендәге татар театрлары фестивале дәвам итә. Бу турыда Ульяновскиның «Өмет» газетасының телеграм-каналында хәбәр иттеләр.

Казанга «Киләчәк уеннары»на 30 илдән 2 меңнән артык волонтер киләчәк. Бу хакта журналистларга Россия Хөкүмәте рәисе урынбасары Дмитрий Чернышенко «Казан Экспо» күргәзмә үзәгендә хәбәр итте, дип яза «Татар-информ» хәбәрчесе Надежда Гордеева.

Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев эш сәфәре белән Кемерово өлкәсендә. Биредә ул Себер федераль округының татар иҗтимагый оешмалары активы белән очрашты. Бу хакта Бөтендөнья татар конгрессы матбугат хезмәте хәбәр итә.

Россия Президенты Владимир Путин «Россия чаңгы юлы» Бөтенроссия массакүләм ярышында катнашучыларны сәламләде. Телеграмма Кремль сайтында урнаштырылган.

Татарстанда программа нигезендә быелгы планнан 13 процент, ягъни 399 мең кв. метр торак файдалануга тапшырылган. Гомумән алганда, 2024 елда ким дигәндә 3,15 млн кв.метр торак мәйдан тапшыру планлаштырыла. Бу хакта Татарстан Хөкүмәте Йортында узган киңәшмәдә республиканың Төзелеш министрлыгы башлыгы Марат Айзатуллин сөйләде.

13 февральдә Татарстанның ике хоккей командасы арасындагы матч «ШАЯН ТВ» телеканалы белән берлектә узачак.

Якын киләчәктә Россиядә авиабилетлар бәясен чираттагы тапкыр арттыру күздә тотыла. Бу хакта, шулай ук төрле компанияләрдән очу бәясенең аермасы турында «ЮВТ Аэро» оешмасы генераль директоры Петр Трубаев хәбәр итте.

Татарстанның Мөслим районында өченче тапкыр «Җиз кыңгырау моңнары» фестивале узды. Бәйрәмнең төп атрибуты булып җигелгән атлар һәм аударыш милли уеннары тора. Эчке эшләр министрлыгы исәпләвенчә, фестивальгә 1,5 меңнән артык кунак килгән. Бу турыда «Татар-информ» хәбәрчесе Эльза Кузнецова яза.

Бүген Казанның «Ак Барс» хоккейчылары Уфаның «Салават Юлаев» командасына җиңелде. Уен исәбе – 2:1. Матч Уфада узды.

Эшкә яраклы өлкән яшьтәге татарстанлылар еш кына үз сәламәтлеген карамый. Татарстан сәламәтлек саклау министры Марсель Миңнуллин туры эфирда шушы фикер белән уртаклашты. Бу турыда «Татар-информ» хәбәрчесе Эвелина Киселева яза.

Казанда «Киләчәк уеннары» югары дәрәҗәдә узарга тиеш. Бу хакта журналистларга Татарстан Республикасы Рәисе Рөстәм Миңнеханов «Казан Экспо» күргәзмә үзәгендә белдерде, дип яза «Татар-информ» хәбәрчесе Надежда Гордеева.

Татарстан Рәисе Рөстәм Миңнеханов һәм Россия вице-премьеры Дмитрий Чернышенко Казанда туризм тармагының кадрлар потенциалын үстерү үзәгендә булдылар. Кунакларга туризм тармагы белгечләрен әзерләү ничек оештырылачагы турында сөйләделәр. Бу хакта Татарстан җитәкчесе матбугат хезмәте хәбәр итә.

РФ Хөкүмәте Рәисе урынбасары Дмитрий Чернышенко һәм Татарстан Республикасы Рәисе Рөстәм Миңнеханов «Казан Экспо» күргәзмә үзәгендә аккредитация үзәге эше белән танышты. Бу турыда Татарстан Рәисенең матбугат хезмәте хәбәр итте.

Татарстан Авыл хуҗалыгы һәм азык-төлек министрлыгы башлыгы Марат Җәббаров җитештерү-икътисади күрсәткечләр буенча Татарстан районнары рейтингына аңлатма бирде. Татарстан Хөкүмәте Йортында республика Рәисе Рөстәм Миңнеханов үткәргән киңәшмәдә ул бәяләү ысуллары турында сөйләде.

РФ Хөкүмәте Рәисе урынбасары Дмитрий Чернышенко һәм Татарстан Республикасы Рәисе Рөстәм Миңнеханов Бәшир Рәмиев исемендәге ИТ-паркта булдылар һәм объектның «Киләчәк уеннары» турнирына әзерлеген бәяләделәр. Аларны Татарстан Республикасы Премьер-министры урынбасары - Татарстан Республикасы Министрлар Кабинеты Аппараты Җитәкчесе Шамил Гаффаров озата йөрде. Бу турыда Татарстан Рәисенең матбугат хезмәте хәбәр итте.

Бүген Татарстан Республикасы Рәисе Рөстәм Миңнеханов һәм РФ Хөкүмәте Рәисе урынбасары Дмитрий Чернышенко Казан теннис академиясе бинасын карадылар. Килүләренең төп максаты - «Киләчәк уеннары» концепциясендә фиджитал халыкара мультиспорт турниры кысаларында ярышлар уздыруга объектның әзерлеген бәяләү. Бу турыда Татарстан Рәисенең матбугат хезмәте хәбәр итте.

Төмәннең «Яңарыш» газетасында Гөлнур Вәлиеваның «Дин һәм телебезне данлап» дигән язмасы чыкты.

17-23 март көннәрендә Уфада Рудольф Нуриев исемендәге XXIV Халыкара балет сәнгате фестивале узачак. Бу хакта «Башинформ» яза.

2023 елның гыйнварыннан декабренә кадәр Татарстанда туучылар һәм үлүчеләр саны кимү теркәлгән. Бу хакта Дәүләт статистикасы буенча федераль хезмәтнең Татарстандагы территориаль органы (Татарстанстат) тарафыннан әзерләнгән «Татарстан Республикасының социаль-икътисади хәле» докладында хәбәр ителә.

15 февральдә Россиядә Әфганстаннан совет гаскәрләренең чикләнгән контингентын чыгаруның 35 еллыгы билгеләп үтелә. Бу көнне республиканың һәр муниципалитетында истәлекле чаралар үткәрелергә тиеш. Татарстан Республикасы Хөкүмәте Йортында узган киңәшмәдә Татарстан Рәисе Рөстәм Миңнеханов шулай дип ассызыклады.

2023 елда Татарстанда шәхси хуҗалыкларда терлек һәм кош-корт симертү, сөт һәм йомырка җитештерү 4,2 процентка, 0,9 процентка һәм 1,5 процентка кимегән. Бу Дәүләт статистикасы буенча федераль хезмәтнең Татарстандагы территориаль органы (Татарстанстат) мәгълүматларыннан күренә.

2023 елда Татарстанның барлык категория хуҗалыкларында мөгезле эре терлекләр саны 2,7 процентка, алдагы 2022 ел белән чагыштырганда, 890,4 мең башка кадәр кимегән. Әлеге белешмә Дәүләт статистикасы буенча федераль хезмәтнең Татарстандагы территориаль органы (Татарстанстат) мәгълүматларыннан күренә.