Россиядә хәрби хәрәкәтләр ветераны статусын алу тәртибен гадиләштерделәр
Россия хөкүмәте хәрби хәрәкәтләр ветераны статусын алу тәртибен гадиләштерү турындагы карарны имзалады.
Хакимият органының матбугат хезмәте хәбәр иткәнчә, гадиләштерелгән система хәрби хәрәкәтләр нәтиҗәсендә кораллы көчләргә йөкләнгән бурычларны үтәүгә ярдәм итүче оешмалар белән үз контрактларын югалткан яки аларны тиешенчә рәсмиләштерә алмаган махсус операцияләрдә катнашучыларга кагыла.
Шулай итеп, хәрби хәрәкәтләр ветераны статусын һәм таныклыгын алу өчен, хәзер контракт күчермәсен бирергә кирәк булмаячак. Искәртик, элек бу кәгазь документны тапшыру мәҗбүри булып тора иде. Нәтиҗәдә, ветеран статусын алу өчен яралану, җәрәхәтләнү яки контузия алуны раслый торган документларны, шулай ук дәүләт яки ведомство бүләкләре турындагы документларны күрсәтү дә җитә.