2024 елның III кварталында Татарстанда шәхси йортлар 1,8 процентка арзанайган
Татарстанда 2024 елның III кварталы йомгаклары буенча шәхси йортлар 1,8 процентка яки 7,9 млн сумга арзанайган. Әлеге мәгълүматлар «Мир квартир» порталында чыккан.
Әлеге чорда бәяләр барыннан да бигрәк Магаданда (-9,3 процент, 8,7 миллионга кадәр), Томск өлкәсендә (-9,2 процент, 5,4 миллионга кадәр), Санкт-Петербургта (-7,4 процент, 21,2 миллионга кадәр), Мәскәү өлкәсендә (-7,4 процент, 17,9 миллионга кадәр) һәм Смоленск өлкәсендә (-6,9 процент, 4,5 миллионга кадәр) төшкән.
Уртача алганда, III квартал йомгаклары буенча, Россиядә шәхси йорт бәяләре 1,1 процентка – 7 085 088 млн сумга кадәр төшкән.
«Төп ставка арту сәбәпле, халык күчемсез милек сатып алганчы, акчаны банк кертемнәрендә саклауны кулай күрә. Күргәнебезчә, III кварталда йортларга уртача бәя төште, шул ук вакытта коттеджларга бәя 22 процентка артты. Өч квартал йомгаклары буенча, бәя уңай динамикада саклана, әмма ел башына караганда, сатудагы йортлар 33 процентка күбрәк булды. Бу гаҗәп тә түгел: әлеге базарда үтемле кредит программалары юк һәм кешеләр гадәттә кыйммәт булмаган дачалар сатып ала», – дип аңлата «Мир квартир» федераль порталы генераль директоры Павел Луценко.