Բռնցքամարտի Հայաստանի պատանեկան հավաքականը Եվրոպայի առաջնությունում ապահովել է առնվազն 9 բրոնզե մեդալ
Թբիլիսիում ընթացող կրտսեր տարիքի պատանիների Եվրոպայի առաջնությունում Հայաստանի հավաքականի 9 անդամ դուրս է եկել կիսաեզրափակիչ փուլ՝ ապահովելով առնվազն բրոնզե մեդալ: Այս մասին տեղեկացնում է Հայաստանի բռնցքամարտի ֆեդերացիայի մամուլի ծառայությունը։
Նշվում է, որ այսօր՝ օգոստոսի 8-ին, առաջնությունում հանգստի օր է, իսկ օգոստոսի 9-ին կկայանան կիսաեզրափակիչ մենամարտերը:
Հայաստանի հավաքականին բռնցքամարտիկներից կիսաեզրափակիչ փուլում են 46 կգ քաշային Արման Միսկարյանը, 50 կգ քաշային Գոռ Խուդոյանը, 38,5 կգ քաշային Դավիթ Սաֆարյանը, 56 կգ քաշային Արթուր Մկրտչյանը, 65 կգ քաշային Գարիկ Անտանոսյանն ու 72 կգ քաշային Դավիթ Սիմոնյանը, 54 կգ քաշային Նարեկ Ներսիսյանը, 80 կգ քաշային Ալբերտ Հարությունյանն ու 68 կգ քաշային Սուրեն Առաքելյանը: Հայ բռնցքամարտիկները հանդես են գալիս հավաքականի ավագ մարզիչ Տիգրան Արմենակյանի գլխավորությամբ: