Gecənin önə çıxanları – EURO2020
Avropa Çempionatının seçmə mərhələsində növbəti oyunlar keçirildi. Fransa və Portuqaliya milliləri gözləntiləri doğrultmadı.
Türkiyə milli komandası Fransa səfərindən qələbə ilə dönsə idi, Avropa Çempionatı biletlərini qarantiya altına almış olacaqlardı. Ancaq onları bu çətin səfərdən 1 xalla dönmək də qane edirdi. Oyuna sürətli başlayan Fransa milli komandası, ilk hissə ərzində qapıya 15 zərbə vurmağı bacardı. Fransızlar bundan sonra ikinci hissədə sürətlərini daha da artırdı. Və bunun məntiqi sonluğu olaraq, oyuna sonradan qoşulan Olivier Giroud komandasının yeganə qolunu vurdu. Bundan sonra Şenol Güneş meydana ikinci hücumçu olan Cenk Tosun`u buraxmaqla cəsurcasına addım atmış oldu. Və 81-ci dəqiqədə Hakan Çalhanoğlunun ötürməsindən sonra topu torla qovuşduran Kaan Ayhan oldu. Beləcə matç 1-1 bitdi. Hazırda Türkiyə millisi 19 xal ilə 1-ci mövqedə qərarlaşıb. Onların bir sonrakı oyunu Türkiyədə İslandiya millisinə qarşı olacaq.
Gecənin bir digər oyunu İngiltərə millisinin Bolqarıstan səfərində 6 qol vurması ilə başa çatdı. Oyundan əvvəl irqçiliyə məruz qalan ingilis futbolçular bu oyuna daha əzmli başladılar. Bunun məntiqi sonluğu olaraq onlar Bolqarıstan səfərində 6 top vurmağı bacardı. Rose Barkley və Raheem Sterling`in dubl etmələri ilə yanaşı susqunluğunu pozan Marcus Rashford da qollardan birini vurdu. Son qolu isə 85-ci dəqiqədə Harry Kane vurdu. İngiltərə 15 xalla 1-ci sıradadır. Onlar sadəcə Çexiya səfərində məğlubiyyətlə üzləşib.
Gecənin digər önəmli oyunu Shevchenko`nun yetirmələrinin Portuqaliyalı rəqiblərini 2-1 məğlub etməkləri ilə nəticələndi. Adriy Yarmolenko və Roman Yaremchuk Ukraynanın qələbəsində öz qolları ilə əsas söz sahibi oldu. Portuqalların yeganə qolunu Ronaldo penaltidən vurdu. Hal-hazırda Ukrayna qrupda 1-ci yerdədir. 11 xalı olan Portuqaliya millisi isə 2-ci sıradadır.