Ronaldinho: Messi`nin gəlmiş keçmiş ən yaxşı futbolçu olduğunu deyə bilmərəm
Barcelona klubunun əfsanə oyunçularından Ronaldinho sabiq komanda yoldaşı Lionel Messi`nin Maradona və Pele ilə müqayisə edilməsinin düzgün olmadığını bildirib. EFE adlı xəbər agentliyinə bir sıra açıqlamalar verən braziliyalı əfsanə Messi`nin sadəcə yeni nəsil oyunçular ilə müqayisəsinin düzgün olduğunu bildirərək bu sözləri deyib:
”Messi`nin gəlmiş keçmiş ən yaxşı futbolçu olduğunu deyə bilmərəm. Ancaq onu deyə bilərəm ki, müasir futbolun ən yaxşısı məhz odur. Ümumiyyətlə müqayisə etməyi sevmirəm, ancaq Maradona, Pele, Ronaldo Nazario kimi oyunçular varkən tarixin ən yaxşı futbolçusunun kim olduğunu demək çox çətin bir işdir.”
Qeyd edək ki, 2018-ci ilin yanvar ayında futbola əlvida deyən 39 yaşlı Ronaldinho 2005-ci ildə Balon d`Oru qazanmağı bacarmışdı. Milli komanda ilə isə 97 matçda 33 dəfə fərqlənən əfsanə 2002-ci ildə dünya kubokunun sahibi olmuşdu.