"Гент" "Ростов" ҳужумчиси Элдор Шомуродов билан шартнома имзолаш йўлларини изламоқда. Хабарларга кўра, клуб "Ростов" ҳужумчиси учун 6 миллион евро миқдорида яхшиланган таклиф беришни режалаштирмоқда. Олдинроқ, Бельгия клуби 25 ёшли ҳужумчи учун 5 миллион евро таклиф қилган эди, аммо "Ростов" юқори дивизонда бир мавсумда 11та гол урган ўзбекистонлик футболчи учун икки баравар кўп пул сўраган. Шундай экан, янги таклиф қабул қилинадими ёки йўқ, буниси ноаниқ.
