Tyske fotballklubbar kan sleppe publikum inn på tribunene når ligaen opnar til helga, melder nyheitsbyrået DPA. Klubbane kan nytte inntil 20 prosent av publikumskapasiteten. Forsøket er eit prøveprosjekt som skal vare i seks veker. Men det er enno ikkje klart om klubbane rekk å innføre dette til første runde, som blir innleia fredag. Bundesligaen avslutta førre sesong med heilt tomme tribuner etter koronapausen. Også innandørsidrettar som handball, ishockey, basketball og volleyball skal få lov å ta inn publikum.
