52 strake OL-sigrar
USAs kvinnelag i basket let seg ikkje stoppe i år heller. 93-52 over Frankrike i siste gruppekampen måndag var deira 52. strake siger i OL. Ikkje sidan semifinalen i Barcelona i 1992 har laget tapt.
Den gongen tapte USA 73-79 for laget som offisielt heiitte Samveldet av uavhengige statar, og som var restane av det nyss oppløyste Sovjetunionen.
Seinare har USA-kvinnene berre vunne. Det starta med siger over Kina i bronsefinalen i 1992. Så har dei teke seks strake OL-gull utan å ha tapt ein einaste kamp.
USA tok gull også i 1984 og 1988, og har teke 8 av 11 gull sidan basket for kvinner kom på OL-programmet i 1976. I 1980 var dei avskorne frå å kjempe om gullet, ettersom USA boikotta OL i Moskva.