"Астон Вилла" ярим ҳимоячиси Жек Грилиш "Манчестер Сити" футболчисига айланди. Бу ҳақда клуб расмий сайти хабар тарқатмоқда. Юқоридаги манбага кўра, "шаҳарликлар" 25 ёшли инглиз футболчиси билан 2027 йилга қадар шартнома имзолашган. Унинг трансфери "Сити"га 118 миллион еврога тушган. Шу тариқа у тарихдаги энг қиммат британиялик футболчига айланди. Грилиш “Манчестер Сити”да 10-рақамни танлади. Жек ўтган мавсум “Астон Вилла”да 27 та ўйинда майдонга тушди ва ўз ҳисобига 7 та гол ҳамда 10 та голли узатма ёздириб қўйди.
