Қатарнинг "Ал Садд" клуби эркин агент мақомида бўлган аргентиналик ҳужумчи Лионель Мессини ўз таркибига қўшиб олмоқчи. "Барселона" молиявий қийинчиликлар ҳамда битим Ла Лига регламентига мос келмаслиги туфайли 34 ёшли форвард билан янги шартнома имзолай олмади. Маълумотларга кўра, Қатар клуби Мессига 1 миллиард евро эвазига 3 йиллик шартнома таклиф қилган. Аргентиналик футболчи "Барса"да ўтган бир йил давомида шартнома бўйича 92 миллион доллар ишлаб топган. Эслатиб ўтамиз, "Ал Садд"га Мессининг "Барселона"даги собиқ жамоадоши Хави мураббийлик қилади.
