Kevin Medina: Azərbaycan millisinin bir neçə oyunçusu Portuqaliya üçün təhlükə yarada bilər
Qarabağ`ın müdafiəçisi Kevin Medina millimizin Portuqaliya ilə görüşünü dəyərləndirib.
ONBİR 28 yaşlı oyunçunun açıqlamalarını qol.az saytına istinadən təqdim edir:
“Portuqaliyada çox yüksək səviyyəli futbolçular var. Ehtiyat oyunçuları da yaxşıdır, çünki meydana kim girsə, eyni səviyyədə iş görəcək. Azərbaycan yığmasının isə Türkiyə və Polşa kimi keyfiyyətli çempionatlarda çıxış edən futbolçuları mövcuddur. Yığmada bir neçə yaxşı oyunçu da var. Qapıçı Şahruddin Məhəmmədəliyev, yarımmüdafiəçilər Emin Mahmudovla Qara Qarayev və hücumçu Mahir Emrelinin adını çəkə bilərəm. Onlar Portuqaliya üçün təhlükə yarada bilərlər”.
Qeyd edək ki, saat 20:00-da start götürəcək qarşılaşmanı CBC Sport`la yanaşı, saytımız vasitəsilə də izləyə biləsiniz.