Ilaix Moriba: Barcelona əbədi olaraq qəlbimdə qalacaq, lakin …
Barcelona`dan ayrılıb Leipzig`ə keçən Ilaix Moriba sabiq klubu haqda danışıb.
ONBİR MARCA`ya danışan 18 yaşlı yarımmüdafiəçinin açıqlamalarını fanat.az`a istinadən təqdim edir:
“Barcelona qəlbimdə əbədi olaraq qalacaq, amma haqqımda haqqsız söz-söhbətlərlər eşitməkdən təngə gəlmişdim. Son aylar həyatımın ən çətin günləri oldu. Ailəmə təhqiramiz mesajlar gəldi. Bu işin öhdəsindən gəlməyə çalışırdım. Nəhayət, Leipzig klubuna gəlib çıxa bildim.
Mən belə münasibətə layiq deyildim. Barcelona`dan olan insanlar haqqımda doğru olmayan fikirlər söyləyirdilər. Kluba hörmət naminə ağzımı yummalı oldum. Mətbuata mənə qarşı haqsız fikirlər səsləndirdilər. Barcelona`da azarkeşlərin dəstəyi sayəsində ayaqda qalırdım. Bir neçə nəfərin hərəkətinə görə bütün azarkeşləri mühakimə etmək istəmirəm. Barcelona əbədi olaraq qəlbimdə qalacaq. Çətin aylar geridə qalıb. Kluba və xüsusən də Ansu Fati`yə uğurlar diləyirəm. O, hamıdan çox buna layiqdir”.