Guardian: Conte tar over Tottenham
Den engelske avisa The Guardian skriv at Tottenham og Antonio Conte er einige om ein kontrakt fram til juni 2023.
Det kjem etter at trenar Nuno Espírito Santo fekk sparken måndag, men no ser det ut til at ein overtakar er i orden.
Den anerkjente overgangsjournalisten Fabrizio Romano skriv på Twitter at kontrakten skal signerast tysdag.
Sky Italia-journalist Gianluca Di Marzio og Goal-journalist Romeo Agresti har også meldt at Conte vil ta over Tottenham. Ifølge Sky Italia er Conte allereie på plass i London.